رامي وحيد يرد على هجوم المؤلف نادر صلاح الدين بسبب الجزء الثاني من "حلم العمر": أنا بعيد عن التريندات

FilFan | فى سينما وتلفزيون

رامي وحيد

الأربعاء , 7 يناير 2026 - 10:01 | اخر تحديث: الأربعاء , 7 يناير 2026 - 10:01

كشف الفنان رامي وحيد حقيقة تقديم جزء ثان من فيلم "حلم العمر" بطولة الفنان حمادة هلال، بعد المنشور الذي كتبه عبر خاصية القصص القصيرة في حسابه بموقع Facebook، كما رد على المؤلف نادر صلاح الدين الذي وجه له انتقاد حاد وهجوم لاذع بعد الإعلان عن جزء ثان.

وأوضح رامي وحيد في مداخلة هاتفية ببرنامج كلمة أخيرة مع الإعلامي أحمد سالم، إنه لم يعلن عن وجود جزء ثاني من الفيلم، مشيرا إلى أن الاستوري كانت من أحد متابعيه، وأعاد نشرها فقط.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف رامي وحيد: أنا كنت نايم صحيت لقيت كل ده حاصل، هو حد من الجمهور اللي بيحب الفيلم كتب عنده ونفسه يكون فيه جزء تاني وعملي منشن أنا وحمادة هلال وأنا عملت ريبوست، ولكني ما أعلنتش ده نهائيا، والناس دايما بيقولوا لينا نفسنا في جزء تاني من حبهم لفيلم "حلم العمر" الأسطورة الأيقونية وبطله العظيم حمادة هلال ناس بتحبه وربنا كرمنا من حب الناس له ولكل العناصر اللي فيه، عناصر عظيمة زي وائل إحسان ومحمد السبكي ونادر صلاح الدين، وموسيقى تصويرية راجح داود.

رامي وحيد من فيلم حلم العمر

نرشح لك: عمر كمال يستعرض سيارته الفارهة الجديدة: بركة ربنا ودعوة أمي … تعرف على نوعها وسعرها

وعن رد المؤلف نادر صلاح الدين عليه وهجومه قال: أنا بعيد عن التريندات أنا أي حاجة فيها جدل بعيد عنها وبريح دماغي، ومش بحب أرد على حد أساء ليا بقول الناس من الضغوطات اللي عليها بتقول كلام صعب، واحنا كانت علاقتنا طيبة أنا مستغرب من كلامه وبحترم الناس اللي بتحبني وبقول يا رب أكون دايما عند حسن ظن الناس أنا بقالي سنتين بره مصر علشان أعمل ناقلة في حياتي في التمثيل وعملت فيلمين في امريكا وفيلم منهم خذ جوايز كتير ومستني فيلم مهم بدور اساسي".

وأكمل موجها رسالة إلى المؤلف نادر صلاح الدين: ربنا معاك أنا مش برد على حد بيقول حاجات سلبية وفرحان بردود فعل الناس، فيه حب كبير وأنا بحترم الناس كلها وأحمل اسم رجل عظيم عمره ما يرد إساءة لحد ودي إساءة غير مقبولة بس رد الناس كفاية.

وكان المؤلف نادر صلاح الدين مؤلف فيلم "حلم العمر" هاجم الفنان رامي وحيد بعد إعلان الأخير عن وجود جزء ثاني من الفيلم.

وقال نادر صلاح الدين في تصريحات صحفية: ده فنان مش لاقي شغلانة يعملها فطلع قال فيه جزء تاني عشان المنتجين يكلموه.. وبعدين أنت مكنتش بطل أساسي عشان تطلع تتكلم.